Kryekomisioneri Ilirjan Celibashi në daljen e fundit nga KQZ ka deklaruar se ka patur ankesa mbi proçesin e numërimit nga disa kandidatë për deputetë, mes tyre Boiken Abazi, i cili kandidon I pavaruar. Celibashi ndër të tjera tha se fletët e shumta të pavlefshme të votimit janë një sinjal jo i mirë, për të cilat do flitet në një moment tjetër.
Ndëkohë kryekomisioneri shtoi se ka patur disa vonesa në numrimin e votave për shkak të KZAZ-ve, por edhe të numëruesve, që uedhërohen nga partitë politike.
“Vazhdojmë të kemi problem në sjelljen e anëtarëve të KZAZ dhe administrimin e këtij procesi. KQZ ka reaguar dhe ajo që vlen të theksohet është se situate ka ndryshuar. Numri i kërkesave për ta aksesuar faqen është shumë i madhe për shkak se është një numër i madh kërkesash. Sot misioni ndërkombëtar i vëzhgimit doli me raportin paraprak.
Ne i gjejmë gjetjet realiste. Shumë prej atyre janë aspekte që kanë të njëjtin opinion me ne. Kemi pasur disa raportime nga disa kandidatë për deputetë në lidhje me disa parregullsi të vërejtura nga disa KZAZ të Tiranës. Edhe nga kandidati i pavarur Bojken Abazi. Jemi duke ndjekur këtë situatë dhe do të marrim vendimet e duhura.
Vlerësimin e situatës për fletët e votimit është herët për ta bërë. Çdo fletë votimi që është e pavlefshme nuk është gjë e mirë. Nga verifikimet që ka bërë KQZ, nuk rezulton që numërimi I fletëve të votimit të jetë bërë në mënyrë preferenciale. Ka qenë radha e përcaktuar. Lodhja fizike ka bërë të vetën. Ka pasur ngadalësi në proces. Nuk dihet nëse kjo ka ardhur për shkak të ndikimit nga jashtë këtë nuk e them dot”, u shpreh Celibashi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
