Ambasadori i BE-së në Shqipëri, Luigi Soreca, është takuar sot me ministrin e Brendshëm, Bledi Çuçi.
Sic ka njoftuar vet ambasadori Soreca, me ministrin kanë diskutuar për emigracionin në përgjithësi, dhe në veçanti për politikat e vizave me BE.
“Diskutuam për emigracionin dhe lëvizshmërinë, në veçanti në përafrimin e politikës së vizave me Bashkimin Evropian, azilin dhe mbrojtjen e kufirit”.
Më tej në një postim në median sociale Twitter, u shpreh se ndihej i lumtur për takimin dhe uroi për konfirmimin në detyrë të Çuçit si ministër i Brendshëm.
Në përfundim ai theksoi faktin se, “BE-ja do të vazhdojë të ndihmojë Shqipërinë në menaxhimin e migrimit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
