Kryeministri Edi Rama ka publikuar videon në të cilën shfaqet transformimi i zyrave të Drejtorisë Rajonale të Shërbimeve të Transportit Rrugor, Fier dhe Lushnje.
Përmes postimit të tij, kryeministri shkruan se DRSHTRR, Fier dhe Lushnje ofron 197 mijë shërbime në vit, duke eliminuar radhët e gjata dhe shërbyer me shpejtësi e transparencë.
Gjatë videos shfaqet edhe një punonjëse e DRSHTRR, e cila flet lidhur me shërbimet të cilat ofron zyra si dhe kushtet.
“Ndodhemi në zyrat rajonale Lushnje degë e Drejtorisë së Transportit Fier ku kryen mesatarisht 24 mijë shërbime në vit për 34 mijë drejtues mjeti, siç mund të shihni ndodhemi në kushte dinjitoze shërbimi për qytetarët dhe personelin. Ofrojmë shërbime me cilësi dhe komoditet pas vëmendja jonë është tek qytetari", shprehet ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
