Dy ditë pas zgjedhjes së kryeprokurores së re të përkohshme, ambasadori amerikan, Donald Lu, është drejtuar për në selitë e dy partive më të mëdha të opozitës. Lu është takuar për më shumë se një orë me kryetarin e PD-së, Lulzim Basha, në selinë blu.
Ndërkohë, pas takimit me kreun e demokratëve, ambasadori amerikan është drejtuar për në selinë e LSI-së, për një takim me kryetaren Monika Kryemadhi.
Nuk janë bërë të ditura detaje të takimeve. Megjithatë, ato vijnë dy ditë pas protestës së opozitës dhe seancës së tensionuar, në të cilën u zgjodh kryeprokurore e përkohshme Arta Marku, vetëm me votat e maxhorancës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
