Një cikël i ri i takimeve do të mbahet nesër, më 24 tetor në Bruksel ku do të zhvillohen takimet e radhës në kuadër të dialogut Kosovë-Serbi në nivel të kryenegociatorëve të Kosovës dhe Serbisë, Besnik Bislimi dhe Petar Petkoviç, nën ndërmjetësimin e emisarit të Bashkimit Europian, Miroslav Lajçak.
Emisari Special i BE-së për dialogun ndërmjet Prishtinës dhe Beogradit, Mirosllav Lajçak, nëpërmjet një postimi në rrjete sociale, në prag të takimit të radhës të kryenegociatorëve, ka kërkuar nga liderët e të dyja vendeve të punojnë “me zell” drejt zbatimit të marrëveshjes për rrugën drejt normalizimit të marrëdhënieve.
Megjithatë, ndihmëssekretari amerikan i Shtetit për Evropën dhe Euroazinë, James O’Brien, ka qenë shumë më i rreptë në artikulimin e qëndrimit të SHBA-së sa i përket vijimësisë së procesit të dialogut midis Kosovës dhe Serbisë, proces i cili tashmë ndodhet nën trysninë e trancizionit të madh politik në
Në Uashington, por edhe në Bruksel, gjithmonë e më shumë janë duke shprehur zemërim rreth rrjedhës aktuale të tensioneve në marrëdhëniet midis Kosovës dhe Serbisë. Sekretari i Përgjithshëm i NATO-s, Mark Rutte, gjithashtu, ka shprehur drojë për situatën e sigurisë për shkak të mungesës së progresit në procesin e dialogut.
Një takim i ngjashëm herën e fundit është mbajtur më 17 shtator në Bruksel, kur kryenegociatorët erdhën në kryeqendrën evropiane, zhvilluan biseda me emisarin e BE-së për dialog, por megjithatë nuk u takuan bashkë.
Ndryshe, takimet e mbajtura kohën e fundit në procesit e dialogut për normalizimin e marrëdhënieve në Bruksel, qoftë në nivel të lartë apo në nivel të delegacioneve, nuk kanë prodhuar rezultate konkrete. Kosova dhe Serbia vazhdojnë ta fajësojnë njëra-tjetrën për moszbatimin e marrëveshjeve ekzistuese apo për ngërçin aktual në dialog.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
