Kryetari i Partisë Demokratike, Lulzim Basha vazhddon takimet me qytetarët para protestës së 18 shkurtit. Kreu i opozitës ishte në qytetin bregdetar të Durrësit, dhe vizitoi zonën ku po punohet për ndërtimin e velieres, por gjatë gërmimeve aty janë zbuluar rrënojat arkeologjike.
Në fjalën e tij kreu demokrat hodhi akuza ndaj dyshes Rama-Dako duke deklaruar se ata nuk punojnë për nevojën e qytetarëve, por po kryejnë investime për përfitime personale për xhepat e tyre.
"Nuk investojnë për nevojat e qytetarëve, por po kryejnë investime për përfitime personale. Nuk investojnë në nevojat immediate të qytetit dhe qytetarëve. Durrësi po mbytet nga ndotja dhe këta ngrejnë veliera. Qellimi është të marrin gjysmat e parave për vete. Nuk investojnë në shërbimin e ujit të pijshem. Nuk investojnë në infrastrukture por duan të shesin betonin e Vangjushit. Po varroset arkeologjia e qytetit vetëm për interesa personale".
Basha u bëri thirrje të gjithë shqiptareve të bëhen bashkë dhe të protestojmë në Tiranë në 18 shkurt për të hapur një faqe të re për jetën dhe mirëqënien e gjithësecilit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
