Avokatja Adriana Kalaja tha në emisionin “Fact Check” se aty ku po ndërtohet teatri i ri, të cilin e konsideroi një qendër komerciale po ngrihen kullat 33-katëshe që i janë dhënë sërish Shkëlqim Fushës.
Po ashtu ajo tha se është dhënë zona e parkimit, që ka qenë pjesë publike.
“Ata që s’kanë zbatuar vendimin e Gjykatës Kushtetuese sot janë me dosje në SPAK. Është regjistruar kallëzimi penal për të gjitha çështjet e teatrit. Do ndërtohet teatri ashtu siç ka qenë me projektin e 1938, për këtë ka edhe një kallëzim të KLSH, për të cilin s’po heton SPAK-u.
Berisha ka thënë që edhe nëse do ndërtohen një apo dy kate që bien ndesh me vendimin e GJK, ato do shemben dhe aty do ndërtohet teatri me projektin e 1938-ën. Ai mbart gjithë historinë e sheshit ‘Skënderbej’. Ajo që po bëhet është thjesht një qendër komerciale që s’ka lidhje me teatrin, dhe ngjitur me të po ndërtohen kulla jo më pak se 33 kate, dhe i janë dhënë të njëjtit person, Shkëlqim Fusha.
Kanë marrë kaparin Veliaj dhe Rama, po vijon me ndërtimin e një kulle. Ne kemi bërë kallëzim penal. Është zona e parkimit, që ka qenë pjesë publike”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
