Presidenti i Serbisë, Aleksandër Vuçiç, pas takimit me Këshilltarin e Departamentit amerikan të Shtetit, Derek Chollet, ka thënë se i ka kërkuar kë tij të fundit që të ndikojë që Prishtina t’i përmbushë obligimet.
Bisedë e qëndrueshme dhe e hapur me këshilltarin e Departamentit amerikan Derek Cholet.
Shpreha pritjen që SHBA të njohë përpjekjet e vendit tonë në ruajtjen e paqes dhe stabilitetit në rajon, si dhe të përdorë ndikimin e saj të padyshimtë dhe të inkurajojë Prishtinën që të përmbushë detyrimet e saj në përputhje me marrëveshjet e pranuara dhe të nënshkruara, por edhe të vazhdojë dialogu në frymën e sinqeritetit dhe çiltërsisë, shkëmbimi i propozimeve për zgjidhjen e sfidave specifike.
Chollet, paraprakisht ishte në vizitë në Kosovë për t’u takuar me krerët institucionalë dhe me liderët e partive politike në vend.
Në komunikatat që u lëshuan nga Presidenca dhe Qeveria pas takimit të presidentes dhe kryeministrit thuhej se procesi i dialogut, propozimi franko-gjerman dhe raportet ndërmjet Kosovës dhe Serbisë, ishin ndër temat e diskutimit.
Chollet tha se SHBA-të presin nga Kosova të përmbushë të gjitha obligimet e saj në dialogun më Serbinë, që përfshijnë edhe themelimin “urgjent” të Asociacionit të komunave me shumicë serbe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
