Kryetari i KQZ, Ilirjan Celibashi i pyetur mbi dorëheqjen e Tom Doshit u shpreh se është akoma herët dhe nuk e kanë vlerësuar kërkesën, por shtoi se do të procedohet sipas parashikimeve të kodit.
“Akoma nuk e kemi vlerësuar, është shumë herët për ta vlerësuar këtë kërkesë, do trajtohet sipas kodit” u shpreh ai.
E ndërsa kritikoi hapur komisionerët që largohen duke pezulluar numërimin me justifikimin e se janë të lodhur, Celibashi u shpreh i bindur duke i qëndruar deklaratës se rezultati do të dalë brenda 48 orëve nga momenti i mbylljes së kutive.
“Besoj që rezultati mund të dalë brenda 48 orëve, por në fakt ka disa probleme të raportuara në disa KZAZ dhe meritojnë të kenë vëmendjen e partive politike. Partitë politike duhet të kenë marrë masa nëse anëtarët e grupit të numërimit lodhen, të kenë grupet e tjera të numërimit. Historitë me komisionerë të lodhur apo të sëmurë duhet të marrin fund dhe ajo parti që i bën këto është diskredituese për partinë," tha Celibashi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
