Kryetari i Partisë së Lirisë Ilir Meta prezantoi sot Edmond Haxhinaston si Koordinator të Partisë së Lirisë për programin politik. Në Fjalën e tij Meta theksoi edhe njëherë prioriteti kryesor i forcës që drejton është referendumi.
Tre prioritetet kryesore janë, i pari referendumi, i dyti referendumi, i treti referendumi. Sepse referendumi do të jetë triumfi i qytetarëve mbi kapjen e shtetit pabesisht. Që nga bërja e vendit me Kushtetutë dhe në vijimësi duke e shkatërruar dhe mos e respektuar atë në mënyrë të qëllimshme, për të qenë sot në këtë situatë”.
Ai theksoi se referendumi do të jetë "shpata e Demokleut", jo ndaj kësaj qeverie pasi sipas tij ajo është ikur, por ndaj çdo qeverie në të ardhmen.
Ndërkaq, Haxhinasto në fjalën e tij tha se “referendumi është instrument themelor i demokracisë që jo vetëm zgjidh krizën e përfaqësimit, probleme themelore që ka sistemi ynë demokratik por ka dhe efekte të tjera shumë të rëndësishme për politikën në tërësi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
