Eksperti kryesor i sëmundjeve infektive, Antony Fauci të dielën parashikoi që rregullatorët shëndetësorë të SHBA-së do t’i japin fund pauzës së përkohshme në shpërndarjen e vaksinës Covid-19 të Johnson & Johnson, duke shtuar se ai pret që një vendim të vijë sa më shpejt.
“Vlerësimi im është që ne do të vazhdojmë ta përdorim atë në një formë. Unë dyshoj shumë seriozisht nëse ata thjesht e anulojnë atë. Unë nuk mendoj se kjo do të ndodhë. Unë mendoj se ka të ngjarë të ketë një lloj paralajmërimi ose kufizimi ose vlerësimi i rrezikut”, tha Fauci.
Sipas Reuters, rregullatorët shëndetësorë amerikanë rekomanduan javën e kaluar që përdorimi i vaksinës J&J të ndërpritet pas raporteve të gjashtë rasteve të mpiksjes së rrallë të gjakut të trurit në gra, nga rreth 7 milion njerëz që kanë marrë dozën në Shtetet e Bashkuara.
Paneli këshillimor i Qendrave për Kontrollin dhe Parandalimin e Sëmundjeve (CDC) i SHBA do të takohet në 23 prill për të diskutuar hapat e ardhshëm për vaksinën. Fauci tha se nuk e di cili do të jetë vendimi përfundimtar, por ai parashikon se do të ketë një rinisje.
“Unë nuk e di nëse ka pasur raste të mëtejshme. Ne do ta dimë atë deri të premten, dhe unë do të habitem shumë … nëse nuk do të kemi një rifillim në një formë deri të premten. Një vendim pothuajse me siguri do të merret deri 23 prill”, tha Fauci.
Gjithashtu ai përcaktoi një afat kohor të mundshëm se kur fëmijët mund të vaksinohen kundër Covid-19, i cili sipas tij mund të ndodhë brenda 3 mujorit të parë të 2022.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
