Trupi i pajetë i deputetit Gjovalin Kadeli, ka mbërritur nga Italia në Portin e Durrësit. Deputeti Kadeli humbi betejën me jetën nga një sëmundje e rëndë në Itali. Arkmorti me trupin e pajetë është pritur nga familjarë, kolegë, ku mes tyre ishte dhe kryetari I Kuvendit, Ilir Meta. Varrimi I të ndjerit do të bëhët të hënën në vendlindjen e tij në Lezhë
Familjarë, të afërm, miq, qytetarë dhe kolegë, në mesin e të cilëve dhe kreu i Kuvendit Ilir Meta, kanë pritur mëngjesin e së dielës në Portin e Durrësit, trupin e pajetë të deputetit Gjovalin Kadeli. Ndarjen nga jeta të Kadelit, kryeparlamentari Meta e cilësoi si një ngjarje të trishtuar. Mësohet se varrimi i Kadelit do të bëhet nesër në orën 12:00 në Manati të Lezhës. Ceremonia zyrtare e organizuar nga Kuvendi i Shqipërisë do të mbahet nesër në orën 11:30 tek varrezat. Gjovalin Kadeli ndërroi jetë në një nga spitalet e specializuara të Italisë pas disa ndërhyrjeve kirurgjikale, si pasojë e një sëmundje të rëndë. Kadeli ishte deputet i Kuvendit të Shqipërisë për dy legjislatura, si dhe anëtar i Komisionit të Ekonomisë dhe Financave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
