Kolegji Zgjedhor vendos që logot e partive të jenë në fletët e votimit, Meta drejtues i koalicionit

Kolegji Zgjedhor ka vendosur që të jetë e pranishme logoja e partive politike dhe koalicioneve në fletat e votimit të zgjedhjeve të 14 majit.

Vendimi vjen pas ankimimit të koalicionit “Bashkë Fitojmë” që kërkonte heqjen e logove të subjekteve politike nga fleta e votimit.

Ndërkaq, Kolegji Zgjedhor ka rrëzuar kërkesën e koalicionit “Bashkë Fitojmë” për vendosjen e emrit të Sali Berishës si drejtues të koalicionit në fletën e votimit.

Kësisoj mbetet në fuqi vendimi i KAS që në fletën e votimit të jetë emri i Ilir Metës.