Kryetari i Partisë Demokratike, Lulzim Basha, në takimin e sotëm me demokratët e Delvinës, deklaroi se gjendja në vend është e padurueshme dhe ka ardhur ora e ndryshimit.
Në fjalën e tij, Basha theksoi se “Në këto 3 vite janë dhënë 1 miliard dollarë për shëndetësinë, por nuk është shpenzuar asnjë lek për përmirësimin e shërbimit, i cili është përkeqësuar. Shqipëria po lëngon nga papunësia, nga varfëria, nga padrejtësia dhe po zbrazet nga rinia, nga të papunët. Sëmundja e dermatozës nodulare bën kërdinë tek fermerët në zona të tëra të Shqipërisë”.
“Sot jemi mbledhur, jo vetëm për të ndarë dhe diskutuar hallet dhe problemet e përditshme, por per te gjetur edhe rrugët e zgjidhjes që kalojnë përmes platformës tonë të kthimit të pushtetit tek qytetarët. Po ashtu, për të vendosur kursin e aksionit tonë politik që do të mundësojë që ky konsensus i madh qytetar të kthehet në një energji politike, të kthehet në një bashkësi të madhe që tejkalon konturet e partisë tonë politike dhe kështu me votë të largojmë qeverinë e pakicës dhe t’ia kthejmë qeverisjen dhe Shqipërinë shumicës”, theksoi Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
