Presidentja e Kosovës, Vjosa Osmani ka pritur sot në takim tre nga pesë ish-presidentët e vendit. Osmani ka pritur në takim ish-presidentët, Fatmir Sejdiu, Behgjet Pacolli dhe Atifete Jahjaga.
E para e shtetit tha se i ka ftuar ish presidentët për të krijuar një kulturë të re institucionale të konsultimit.
“I kam ftuar që të tre për të krijuar një kulturë të re institucionale e cila është e domosdoshme për të ecur përpara. Po ashtu, për të krijuar një model të ri të konsultimit”, tha ajo.
Krahas kësaj, Presidentja Osmani çmoi edhe rolin e secilit ish president në shtet-formimin e Kosovës.
“Besoj shumë se me secilin do të bashkojmë forcat për një të ardhme më të mirë”, tha ajo.
Përderisa ish-shefi i Osmani, Fatmir Sejdiu, fillimisht i ka uruar asaj detyrën e re, duke e cilësuar si zgjidhje të mire, ai është zotuar se do të bashkëpunojnë në të mirë të proceseve nëpër të cilat po kalon vendi.
Edhe ish-presidentja Atfitefe Jahjaga, e ka uruar Osmanin për postin e ri, duke i siguruar mbështetje të vazhdueshme.
Kujtojmë se ish-presidenti Hashim Thaçi gjendet në Hagë, pas ngritjes së aktakuzës nga Gjykata Speciale, ndërsa presidenti i parë historik i Kosovës, dr.Ibrahim Rugova, ka ndërruar jetë në vitin 2006.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
