Presidenti Ilir Meta përkujtoi sot 20-vjetorin e nënshkrimit të Marrëveshjes së Ohrit.
Kreu i shtetit deklaroi se shqiptarët në Maqedoninë e Veriut kanë qenë gjithmonë të interesuar për stabilitetin dhe integrimin euroatlantik.
Ai ka nxitur dhe pjesëmarrje më të madhe dhe më cilësore të shqiptarëve, si “faktor shtetformues”, në jetën sociale, administrative e politike të Maqedonisë së Veriut.
Meta ka inkurajuar “domosdoshmërinë e zbatimit të plotë dhe jetësimit integral”, të kësaj marrëveshjeje.
“Në 20-vjetorin e nënshkrimit të Marrëveshjes së Ohrit, duke vlerësuar progresin e deritanishëm domethënës për respektimin e saj, inkurajoj domosdoshmërinë e zbatimit të plotë dhe jetësimit integral, si një mundësi e shkëlqyer për konsolidimin e mëtejshëm të paqes e harmonisë ndëretnike, për të forcuar marrëdhëniet, si dhe për t’u afruar më pranë njëri-tjetrit dhe Bashkimit Europian. Shqiptarët në Maqedoninë e Veriut në këto dy dekada kanë qenë jo vetëm të përkushtuar për stabilitetin e vendit, por edhe garantë të integrimit euroatlantik të saj. Respektimi i të gjitha lirive dhe të drejtave të tyre, sipas standardeve më të avancuara europiane, është thelbësor ndaj e nxis një pjesëmarrje më të madhe dhe më cilësore të shqiptarëve, si faktor shtetformues, në jetën sociale, administrative e politike të Maqedonisë së Veriut. Përshëndetje vëllazërore dhe krenar për bashkëkombasit tanë, për rolin dhe angazhimin e tyre aktiv, konstruktiv dhe të pazëvendësueshëm për sovranitetin dhe integrimin euroatlantik të Maqedonisë së Veriut.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
