Rama: Duhet të bëjmë vetëkritikë dhe vetëpërmirësim, në kushtet kur s’kemi kundërshtar përballë

Kyesocialisti Edi Rama u ndal në Lezhë gjatë së dielës, ku foli për procesin e rienergjizimit e Partisë Socialiste.

Në fjalën e rastit Rama tha se Partia Socialiste duhet të provojë që është e hapur për të gjithë.

Partia Socialiste ka një përgjegjësi të madhe historike mendoj unë, sot që flasim, sepse gjithë këtë progres që është bërë, i cili është një progres që duhet të vazhdojë, duhet ta garantojë dhe ta bëjë të pakthyeshëm në drejtësi, në ekonomi, në pozicionin ndërkombëtar të Shqipërisë.

Për çfarë e bëjmë ne këtë proces. Ne e bëjmë këtë proces sepse për mua, them që duhet ta bëjmë me shumë vetëdije vetëkritikën tonë dhe vetëpërmirësimin tonë në kushtet kur ne nuk jemi të sfiduar nga një kundërshtar përballë.