Kryetari i grupit parlamentar të Partisë Socialiste, Taulant Balla, e sheh mundësinë për marrjen e mandatit të tretë te “dobësia e thellë e kundërshtarit”. Në një takim në Asamblenë Socialiste të Elbasanit, në kuadër të parapërgatitjeve për zgjedhjet e ardhshme parlamentare, të 25 prillit, Balla është shprehur se socialistët nuk duhet të vetëkënaqen nga fakti që një pjesë e shqiptarëve i shohin si “e keqja më e vogël”.
“Dobësia e thellë e kundërshtarit dhe pabesueshmëria e tyre publike, nuk duhet të na vetëkënaqë duke lënë pas dore për asnjë moment organizmin/përmirësimin e strukturës së Partisë sonë. Ne s’mund të jemi të vetëkënaqur se një pjesë e shqiptarëve na shohin si e keqja më e vogël, por shumica e shqiptarëve na beson ne si forca e vetme politike që ndërton shtet dhe garanton plotësimin e aspiratës për integrim europian”, shkruan ai në Facebook.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
