Kreu i PD-së, Lulzim Basha, e cilësoi një puç kushtetues votimin e Arta Markut si kryeprokurore e përkohshme. Pas përfundimit të seancës parlamentare, Basha tha se u shkel Kushtetuta, por opozita do të vijojë atë që e quan “luftë me krimin në pushtet”.
“Sot Parlamenti konsumoi një puç kushtetues. Edi Rama ka konsumuar dhunimin e Kushtetutës për të mbrojtur Vangjush Dakon, Saimir Tahirin, Qazim Sejdinin. Opozita mbajti qëndrimin e saj të bashkuar. Sot u treguam shqiptarëve dhe të gjithë faktorëve ndërkombëtarë se nuk do të bëhemi kurrë fasadë e autokracisë kriminale. Shpërbërja e krimit në pushtet dhe pushtetit të lidhur me krimin sapo ka filluar. Opozita do të vazhdojë me vendosmëri këtë rrugë”, tha Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
