Ambasadori i BE në Tiranë, Luigi Soreca, përshëndet certifikimin e 28 kandidatëve për Byronë Kombëtare të hetimit.
Në mesazhin e tij, kryediplomati i BE thekson se tani është e rëndësishme të nisë një thirrje e dytë për hetues të BKH. Mes të tjerash, ambasadori Soreca shkruan se BE vazhdon të mbështesë SPAK.
“Ne mirëpresim përfundimin e procesit të verifikimit për kandidatët e parë për hetuesit të BKH. Urime grave dhe burrave që e përfunduan me sukses!
Tani do të fillojnë trajnim të specializuar. E rëndësishme është të filloni një thirrje të dytë për hetues. BE vazhdon të mbështesë SPAK”, shkruan ambasadori Soreca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
