Kolegji Zgjedhor ka zhvilluar seancën mbi ankimimin e Partisë Demokratike (PD) ndaj vendimit të Komisionit të Ankesave (KAS), për rezultatin e zgjedhjeve të 25 prillit në Shkodër.
PD-ja e çoi çështjen në Kolegjin Zgjedhor, pasi kërkuan shpalljen e zgjedhjeve të pavlefshme, me pretendimin se ka pasur parregullsi nga ana e Partisë Socialiste.
Nga ana tjetër, Kolegji nuk ka pranuar kërkesën e LSI-së për shtyrjen e seancës.
Sipas anëtarëve të Kolegjit, kërkesa e LSI-së është e pabazuar në prova dhe në ligj.
Në fjalën e mbajtur, drejtuesi i seancës u shpreh: “Vendosi të mos e pranojë kërkesën e përfaqësuesit të personit të interesuar për shtyrjen e seancës së sotme me arsyetimin se shkaku i parashtruar në këtë kërkesë nuk justifikon shtyrjen e seancës së sotme. Në kushtet kur kjo palë e interesuar kishte dijeni, mund të caktonte një përfaqësues tjetër. Së dyti, të vijojë gjykimin në mungesë të personit të interesuar. Shpallet trupi gjykues, sekretaria gjyqësore, çështja gjykohet nga 5 gjyqtarë të Kolegjit Zgjedhor”.
Përfaqësuesi i PD-së Marash Logu që po paraqet argumentet për shpalljen e pavlefshmërisë së zgjedhjeve në Shkodër.
Më herët, Kolegji ka rrëzuar kërkesën e Partisë Demokratike dhe Lëvizjes Socialiste për Integrim për paraqitjen e provave shtesë për shpalljen e pavlefshmërisë së zgjedhjeve në Qarkun e Beratit, Gjirokastrës, Vlorës dhe Tiranës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
