Ish-kandidatja demokrate, Hillary Clinton ka mbështetur Joe Bidenin në zgjedhjet presidenciale të këtij viti në Shtetet e Bashkuara.
Ky vendim është konsideruar një shenjë se demokratët janë të bashkuar për garën e nëntorit kundër presidentit aktual, Donald Trump.
Clinton e njoftoi mbështetjen e saj në një ngjarje të zhvilluar online, të organizuar nga fushata e Bidenit, për të treguar sesi pandemia është duke ndikuar te gratë.
Lajmi vjen në kohën kur ish-zv/presidenti amerikan është duke u përballur me akuza për ngacmim seksual nga ish-pjesëtarja e stafit të tij në Senat, Tara Reade.
Gjatë kësaj jave dy persona kanë thënë që Reade u ka treguar atyre për ngacmimet seksuale në mesin e viteve 1990. Vetë Biden nuk i ka komentuar këto pretendime.
Reade, e cila pretendon se është një demokrate prej kohësh, sulmoi dhe Clintonin pas mbështetjes së dhënë për Bidenin, duke deklaruar se po ndihmon një “grabitqar seksual”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
