Debati i tanishëm për Aeroportin e Vlorës zbulon një manovër mes aksionerëve me shitje aksionesh.
Kompania turke “Yda Group” që zotëronte 40% të aksioneve, i shiti në vitin 2023 për një vlerë 4450 euro, në një kohë kur fitimi i parashikuar për 35 vjet, arrin në mbi 750 milionë euro.
Nga ana tjetër, vetëm për ndërtimin e Aeroportit, konsorciumi fitues mori përsipër që të investonte plot 104 milionë euro.
E njëjta praktikë përsëritet edhe në koncesionin e skanimit të kontejnerëve dhe automjeteve në vitin 2013.
Në atë kohë, kompania amerikane Rapiscan Security Inc mori me koncesion për 15 vjet ndërtimin dhe operimin e sistemit të skanerëve doganorë dhe më pas, brenda pak muajsh shiti 49% të aksioneve të saj në “S2 Albania sh.p.k.” për vetëm 490 lekë, ose rreth 5 euro.
Kjo ndërkohë që fitimi i parashikuar nga ky koncesion llogaritej të arrinte deri në 350 milionë euro përgjatë periudhës së kontratës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
