Kryetari i PD, Lulzim Basha, ka paralajmëruar arkitektin danez të projektit të teatrit, Bjarke Ingels se do trajtohet si person non-grata në Shqipëri. Në një postim në "Twitter", Basha shprehet se arkitekti danez po kthehet në një bashkëpunëtor të vjedhjes së tokës së teatrit në Tiranë për interesat narkomafioze të Edi Ramës.
“Bjarke Ingels është një bashkëpunëtor në grabitjen e tokës nga narkomafia e udhëhequr nga kryeministri Edi Rama, ndaj paralajmërohet: do të trajtohesh si non-grata nga komuniteti i artistëve dhe populli i Tiranës”, shkruan Basha në Twitter. Kreu i opozitës ka shpërndarë një artikull në anglisht të exit.al, të cilët kanë verifikuar deklaratat e arkitektit danez mbi shembjen e Teatrit Kombëtar në Tiranë.
Sipas investigimit, kompania e Bjarke ka gënjyer kur thotë se ka fituar konkurs për teatrin në Tiranë dhe nuk iu është përgjigjur gazetarëve. E njëjta gjë edhe me Bashkinë e Tiranës, e cila ka refuzuar të përgjigjet mbi procedurat për projektin e teatrit të ri.
"Siç kemi raportuar më parë, kompania Ingels e BIG publikisht deklaroi se kishte fituar tenderin për të projektuar ndërtimin e ri të Teatrit Kombëtar, përmes një "konkurrimi publik". Pas kërkesave të përsëritura të Exit.al, BIG nuk arriti të prodhonte ndonjë dëshmi të një konkurrence të tillë ndodhi dhe më pas deklaroi se kishte nënshkruar një marrëveshje pa zbulim me Bashkinë e Tiranës, duke iu referuar Renato Kalemit, Këshilltarit të Medias dhe Komunikimeve të Kryetarit dhe Denis Dedej, Drejtorit të Informacionit. Asnjëra prej tyre deri më tani nuk iu përgjigj pyetjeve të përsëritura rreth projektit", shkruhet në artikullin e Exit.al.
Një kërkesë të informacionit të paraqitur nga Exit.al në Ministrinë e Kulturës në lidhje me ndonjë konkurs apo projekt për Teatrin Kombëtar mori këtë përgjigje, më 11 maj, 2018:
Ministria nuk ka marrë asnjë masterplan ose detyrë hartimi dhe nuk po zhvillon asnjë procedurë prokurimi ose partneriteti, në lidhje me Teatrin Kombëtar. Për këtë arsye, ne nuk mbajmë asnjë nga materialet e kërkuara nga ju.
Investigimi zbulon se projekti është bërë për kompaninë Fusha. sh.p.k dhe jo për Bashkinë e Tiranës apo për qeverinë shqiptare, duke mos pasur asnjë referencë masterplani për këtë zonë të qendrës së mbrojtur të Tiranës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
