Gazetarja Jonila Godole foli sot në “Arnautistan” në MCN TV lidhur me situatën politike në vend.
E pyetur nëse Lulzim Basha duhet të largohet në PD, Godole tha se këtë duhet ta vendosë anëtarësia e kësaj partie, por sipas saj nëse anëtarësia zgjedh po atë atëherë në Shqipëri mund të ndodhë gjithçka.
“Nuk jam askush për të thënë të qëndrojë apo jo sepse e këtë e di anëtarësia e PD, por normale nuk është. Dikush futet në garë me pritshmëri dhe ka pasur angazhim të mbështetësve duke marrë parasysh edhe momentin kur dolën nga parlamenti dhe bënë muaj të tërë protesta. Kjo nuk është e lehtë për mbështetësit e PD, është strapacim. Duhet një proces gare dhe nëse anëtarësia zgjedh po atë, atëherë në Shqipëri ndodh gjithçka. Për kushtet e Shqipërisë nuk do habitesha nëse zgjedhin po atë”, tha Godole.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
