Rumania i dhuron Shqipërisë 150,000 doza të vaksinës anti-Covid

Qeveria Rumune ka miratuar vendimin për t’i dhuruar Shqipërisë 150,000 doza të vaksinës anti-Covid.

Lajmin e ka bërë të ditur Kryetari i Grupit Parlamentar të Partisë Socialiste, Tualant Balla. Përmes një postimi në “Facebook”, Balla shkruan se i është mirënjohës presidentit rumun Klaus Iohannis, kryeministrit Florin Cîțu dhe ambasadorit rumun në Tiranë Octavian Serban.

“Qeveria e Rumanisë sapo ka miratuar në mbledhjen e sotme të Qeverisë vendimin për t’i dhuruar Shqipërisë 150.000 doza vaksinë anti-Covid19.

Dëshiroj t’i shpreh mirënjohjen Presidentit Klaus Iohannis dhe Kryeministrit Florin Cîțu për këtë ndihmë të mirëpritur në luftën me pandeminë.

Gjithashtu falenderoj edhe Ambasadorin e Rumanisë në Tiranë Octavian Șerban me të cilin kemi një bashkëpunim të përditshëm në dobi të marrëdhënieve të shkëlqyera mes dy popujve dhe vendeve tona.”