Presidenti i Rusisë, Vladimir Putin, mban sot konferencën vjetore për media.
Kremlini tha këtë javë se një numër rekord gazetarësh prej 1 895, janë akredituar për të mbuluar ngjarjen.
Konferenca televizive është një ngjarje e rregullt e Putinit, të cilën ai e shfrytëzon për të lartësuar imazhin e tij, për të siguruar rusët se ata janë në duar të sigurta dhe për t’iu dërguar sinjale Shteteve të Bashkuara dhe pjesës tjetër të botës.
Ngjarja po ashtu veçohet për gjatësinë e saj.
Vitin e kaluar ishin të pranishëm 1700 gazetarëv, raporton Telegrafi serb.
Konferenca e vitit 2008 ka shënuar rekord prej katër orësh e 40 minutash.
E sotmja zhvillohet në kohën kur Putinit, sipas sondazheve, i ka rënë popullariteti.
Qendra e pavarur ruse Levada, në anketën e publikuar më 18 nëntor, tha se popullariteti i Putinit ka rënë për 10 për qind nga viti 2017.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
