Një shqiptar në Itali është në kërkim për arratisje nga burgu i Mammagialla-s. sipas mediave italiane, i burgosuri 28-vjeçar, identiteti i të cilit nuk është bërë i ditur, do ta përfundonte vuajtjen e dënimit në janar të vitit 2019.
Ai ka shfrytëzuar një leje të dhënë nga autoritetet e burgut për të mos u kthyer më në qeli. Në burgun e Mammagialla-s vuajnë dënimin 590 të burgosur, rreth 158 më shumë se kapaciteti i rregullt.
Ngjarja vjen vetëm pak ditë pasi tre shqiptarë të tjerë u arratisën nga burgu i Rebibbias pasi shfrytëzuan një moment kaosi për shkak të tërmetit që goditi Italinë qendrore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
