Pedagogia Mirela Karabina, ish-ministre e Arsimit kujton se kur mori detyrën në qeverinë teknike të vitit 2017, dy vajzat i kishte në shkollë.
Ajo rrëfeu në emisionin “Arnautistan” të Mustafa Nanos se nëse do i ofrohej sërish një post i tillë nuk do e kthente mbrapsht.
Karabina deklaroi se jemi shoqëri paragjykuese dhe për një grua është e vështirë, pasi është grua, bashkëshorte, profesioniste dhe nënë.
Lidhur me gratë që kanë një rol në politikën shqiptare, tha se ka profile të ndryshme, por shtoi se do i pëlqente një grua që përfaqëson dhe që duhet të jetë e qëndrueshme dhe se nëse do të çedojë në disa tipare, është e vështirë që të jetë e besueshme në politikë.
Kur ke arritur një pjekuri profesionale dhe status të caktuar, gjërat i mendon ndryshe. Kur mora detyrën, kam menduar se në detyra të tilla duhet të kesh mbështetje shumë të madhe dhe me fëmijë të vegjël është e vështirë.
Kur u bëra ministre vajzat i kisha në shkolla, por thashë se mendoj se do kontribuoj për arsimin. Njërën vajzë e kam për specializim si mjeke në Gjermani, është gjë e mirë dhe jo.
Do doja ta kisha këtu, por të punosh kaq vite këtu me pagën e specializantit nuk ia del. Ne nuk i mbajmë dot fëmijët këtu, aq janë mundësitë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
