Analisti Andi Bushati tryezën e partive opozitare dhe kërkesën për ndryshimin e sistemit zgjedhor tha se rregullimet dhe arnimet funksionojnë, por ne kemi ndaluar së qeni një sistem demokratik.
Në edicionin e lajmeve në MCN TV, deklaroi se sistemi është i kapur dhe i dizenjuar që për votat të vendosin paratë e oligarkëve dhe bandat kriminale dhe se kushdo që bën propozime u krijon shqiptarëve iluzionin e rremë sikur jemi në demokraci.
Ne duhet të mbyllim iluzionin sikur jetojmë në demokraci. Sot nuk ka më asnjë rregullim që mund të na garantojë ne zgjedhje normale.
Marrëveshja Rama-Berisha ishte një nga më të këqijat e mundshme, me ndryshimet në 2008, ishte parimi që kush është kryeministri i merr të gjitha.
Në atë kohë ishte marrëveshja më e keqe e mundshme.
Por nuk duhet të harrojmë se sado e keqe të ishte marrëveshja e vitit 2008, marrëveshja e 2013, lejoi që të ndodhte një rrotacion në pushtet, iku e djathta, dhe erdhi një lloj tjetër e djathte, që e quajnë veten të majtë. 2008 krijoi një rrotacion, e mirë apo e keqe qoftë.
Të thuash në 2024 se 2008 ishte e keqe, është të fshehësh thelbin e problemit, që këtu janë vrarë zgjedhjet e lira. Ne kemi kaluar nga zgjedhje, në votime.
Ne një vit më pas do bëjmë thjesht votime, le të bëhet një sondazh që çdo njeri e di që do fitojë Edi Rama.
Të flasësh sot për mëkatet e 2008, nuk ka kuptim, se e keqja ka avancuar me hapa aq galopantë.
PS për të hequr koalicionet zgjedhore, Rama vuri bastin që t’i kundërvihej ndërkombëtarëve.
Nuk besoj që rikthimi i demokracisë në Shqipëri mund të bëhet me anë të votës.
Thelbi është në Shqipëri nuk ka zgjedhje, të gjitha të tjerat janë debate që nuk kanë vlerë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
