Njohja e pavarësisë së Kosovës, Vuçiç: Dëshirat e popullit serb janë të mëdha, mundësitë të vogla

Parlamenti serb po diskuton sot raportin për procesin e negociatave me Prishtinën nga 15 qershori 2021 deri më 1 shtator 2022.

Raportin u prezantua nga presidenti i Serbisë, Aleksandar Vuçiç, i cili informoi deputetët dhe qytetarët për gjendjen aktuale, sfidat, si dhe gjithçka që Serbia ka bërë deri më tani për popullin serb në Kosovë.

Vuçiç tha para deputetëve se Serbia nuk do ta njohë Kosovën, por politika reale nuk mund të mbështetet në mite, sepse dëshirat e popullit janë maksimaliste dhe mundësitë janë të pakta.

"Politika e përgjegjshme nuk duhet të mbështetet në mite. Kjo do të thotë se ne duhet t'i përshtatim mitet tona", tha Vuçiç gjatë prezantimit të raportit.

“Duhet të shmangim ngërçin dhe rreziqet që nuk arritëm t'i shmangim në të kaluarën. Të mos humbasim, të mendojmë se si do të zhvillojmë satelitët, inteligjencën artificiale... Duhet të gjejmë jetë për serbët dhe jo më pak jetë për shqiptarët në atë territorin tonë, dhe kjo është një detyrë e vështirë, por ne duhet të përpiqemi si vend dhe si komb, mendoj se është shumë e rëndësishme që në politikë t'u ofrojmë njerëzve atë që është e drejtë dhe e mundur. Sepse të bëjmë atë që mundemi është shumë më e rëndësishme se sesa të zbukurojmë realitetin”, tha Vuçiç.

"Meqenëse në lindje të Evropës ndërkohë ka ndodhur një konflikt i madh, pozicioni ynë është edhe më i vështirë. Histeria brenda bashkësisë ndërkombëtare reflekton mbi Serbinë dhe interesat tona kryesore kombëtare. Politika jonë për çështjen e Kosovës dhe Metohisë udhëhiqet mes asaj që është e dëshirueshme dhe asaj që është e mundur, me faktin se populli ka dëshira maksimaliste, ndërsa mundësitë tona janë të pakta dhe nëse do t’i hyja analizës se kush e ka fajin tani, do të ishte krejt e kotë”, tha Vuçiç.

Vuçiç tha se para Kongresit të Berlinit, në Kosovë jetonin 64 për qind e serbëve dhe shumica e tyre u larguan në fund të shekullit të 20-të.

"Njerëzit shpesh thonë se Kosova ka qenë gjithmonë e jona. Kjo thjesht nuk është e vërtetë, ne kemi pasur edhe ambasadorë atje. Herë kemi fituar, herë kanë fituar të tjerët. Ajo që është domethënëse është se ka ndikim të fortë të faktorit të jashtëm, dhe sa përballë tragjedive, Perëndimi gjithmonë ka qenë në anën e atyre që janë kundër serbëve. Nga viti 1961 deri në vitin 1991 kemi rënë nga 27 për qind, në 11 për qind të popullsisë serbe në Kosovë dhe Metohi”, tha ai.

“Unë jam betuar në Kushtetutën e Serbisë se Republika e Serbisë kurrë nuk do ta njohë pavarësinë e shpallur në mënyrë të njëanshme të Kosovës dhe Metohisë dhe as nuk do të heqë dorë nga lufta e saj legjitime për interesat e saj kombëtare”, tha ai.

“Ne sot jemi të ekspozuar ndaj sfidave të ndryshme të sigurisë, mendoj se ju mund ta kuptoni dhe ndjeni. Kemi një prani në rritje të forcave speciale të armatosura në Prishtinë, nuk ka asnjë trillim të krizave nga Serbia. Rreziku është i afërt, i menjëhershëm dhe serioz. Përfaqësuesit e popullit serb mund ta dëshmojnë më së miri këtë. Serbia në asnjë mënyrë nuk mori pjesë në gjenerimin e krizës. Ne mbetëm të fokusuar te dialogu", tha ai.

/ B92 /