Vrasja e civilëve në Kramatorsk, Xhaçka: Bota të bashkohet për të dënuar këtë luftë mizore

Ministrja e Jashtme Olta Xhaçka, reagon lidhur me sulmin me raketë në një stacion treni në Ukrainë, ku humbën jetën mbi 50 civilë.

Me anë të një mesazhi në Twitter, ministrja shprehet se vrasja e dhjetëra civilëve në Kramatorsk , një ditë pasi u pezullua nga Këshilli i të Drejtave të Njeriut për shkak të mizorive që ka kryer në Ukrainë është edhe më shumë një dëshmi e natyrës kriminale të agresionit rus.

Tashmë është e qartë se këto nuk janë raste të izoluara. Vrasja e civilëve është bërë pjesë e rregullt e aktivitetit ushtarak të Rusisë. Bota duhet të bashkohet për të dënuar këtë luftë mizore, ilegale dhe regjimin kriminal që po e bën atë.