Gazetari Blendi Fevziu i ftuar në emisionin “Të Paekspozuarit” në MCN TV, u shpreh se shpallja non grada nga SHBA e ish-kryeministrit Sali Berisha ka ardhur për vitet që ai nuk ka mbajtur postin e kryeministrit.
Sipas Fevziut, ish-kryeministrit Sali Berisha i janë faturuar përgjegjësi të PD-së dhe LSI-së nga ata që kanë qënë pro dhe kundër tij.
Më tej, Fevziu shtoi se Partia Demokratike ndodhet mes legacisë së Sali Berishës dhe raportit të SHBA që ata nuk duan të konfrontohen.
“Besoj se Sali Berisha është shpallur non grada jo për vitet që ka qënë si kryeministër, por kur ka qënë jashtë këtij posti. Në këtë vendim kanë ndikuar njerëz që kanë qënë pro dhe kundër tij.
Sali Berisha kishte një legaci sepse ishte lideri i parë i një force politike. U bë njeriu që futi Shqipërinë në NATO, pra mbylli raportin e tij. Pas 2013 e më tej problemet që u krijuan që vinin nga PD dhe LSI iu faturuan atyre dhe kjo iu faturua nga ata që nuk e donin por edhe nga drejtuesit e PD për ti ikur përgjegjësisë ia kalonin atij përgjegjësin. Me kalimin e kohës ai u cilësua si një njeri që po mbante peng PD.
Unë mendoj që është shpallur non grada për periudhën kur iku nga posti si kryeministër.
Me dashje pa dashje atij i kanë ndikuar të gjithë këto faktorë.
Nëse më pyet mua, çdo çështje e nxehtë e politikës shqiptarë duhet zbardhur dhe sqaruar në mënyrë që asnjë person i politikës shqiptare të mos mbaj etiketime të tilla.
Nuk e di nëse do të largohet nga PD, por di që për këtë qëllim është bërë. Sali Berisha nuk është njeri që funksionon me presion.
PD ndodhet mes legacisë së Sali Berishës dhe raportit të SHBA që ata nuk duan të konfrontohen.
Basha e ka mbajtur qëndrimin, ka bërë një deklaratë. Përgjegjësia më e madhe e këtyre të PD është që i kanë faturuar Berishës gjëra që nuk kanë qënë të tij.", u shpreh Fevziu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
