Nga kjo e hënë që lamë pas janë mbyllur 9 gjykata të shkallës së parë ajo e Tropojës, Matit, Kurbinit, Pukës, Krujës , Kavajës, Lushnjës, Përmetit edhe Pogradecit. Kanë përfunduar dy faza dhe tashme kemi fazën e trete qe hyn ne fuqi ne korrik, ku parashikohet reduktimi i të gjitha gjykatave administrative në dy, një në Tiranë dhe një në Lushnjë.
Lidhur me këtë avokati Marash Logu në një lidhje skype me MCN Live deklaroi se harta e re gjyqësore ka pasur kontestim të madh nga ana e avokatëve madje dhe bojkotuan proceset me qëllim që ata të ndërgjegjësoheshin sepse ky reduktim do sillte probleme. Sipas tij i gjithë ky reduktim sjell kosto të mëdha për qytetarët.
Gjykata e apelit e cila ka mbledhur të gjitha gjykatat e tjera sot ka mbledhur një numër të madh rreth 30 mijë dosje dhe nëse do jemi optimist do duhen të paktën 7 vjet për të marrë zgjidhje. Por kjo do krijojë problematika, shtuar sa i përket kohës që do i duhet një çështje apo qytetari për ta zgjidhur atë. Pastaj problem tjetër është dhe ilariteti kjo sjell dhe rritje të kostove që i duhet çdo qytetari për t’ju drejtuar këtyre gjykatave dhe e fundit një nga arsyet pse qytetet po braktisen sepse ne po i vendosim shërbimet në qytetet e mëdha dhe në këtë formë çdo qytetar që ka mundësi lëviz drejt një qendre më të madhe urbane për të pasur më afër shërbimeve. E kuptoj që arsyeja kryesore e kësaj reforme është vakanca në sistem, por kjo është një çështje që në afatshkurtër do zgjidhej sepse magjistratura po përgatit një numër të caktuar gjymëtarësh për të plotësuar këto vakanca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
