Deputetja Rudina Hajdari ka paralajmëruar sërish kryeministrin Edi Rama se hapja e listave është një kusht i panegociueshëm për miratimin e reformës zgjedhore në Kuvend.
Në një reagim në rrjetet sociale, ligjvënësja shqiptare shprehet se 75% e shqiptarëve duan hapjen e listave dhe sipas saj misioni i opozitës parlamentare është që të përfaqësojë këtë shumicë dërrmuese shqiptarësh.
“Dje i bëmë të qartë Edi Ramës se hapja e listave është një kusht i panegociueshëm për miratimin e reformës zgjedhore dhe marrveshjes Rama-Basha”, tha Hajdari.
Ajo theksoi se sot mbi 75% e shqiptarëve e mbështesin dhe duan hapjen e listave si një mjet për të patur më shumë fuqi mbi vendimarrjen në Parlament.
“Misioni ynë është që në parlament të përfaqësojmë këtë shumicë dërrmuese shqiptarësh e jo dëshirat e 2 apo 3 kryetarëve që kanë frikë nga populli”, shkruan Hajdari.
Kujtojmë se ditën e djeshme u mbajt një takim mes kreut të qeverisë Edi Rama dhe disa përfaqësuesve të opozitës parlamentare, por nuk pati një konsensus lidhur me ndryshimet kushtetuese për ndryshimin e sistemit zgjedhor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
