PD e Vlorës ka lexuar sot emrat që kanë firmosur për kuvendin e 11 Dhjetorit të Partisë demokratike.
Delegatët e PD dega Vlorë shprehen të qartë në vendimin e tyre se do të marrin pjesë në kuvendin e vetëm që është ai i 11 Dhjetorit pasi sipas tyre, nuk ka kuvend tjetër.
Nga 285 delegatë që ka dega Vlorë në total, për kuvendin e 11 dhjetorit kanë firmosur 215, një shifër kjo e cila sa vjen dhe rritet.
Nuk ka asnjë delegat i cili të ketë firmosur për prezencë në të dy kuvendet teksa pjesëmarrja në 11 dhjetor pritet të jetë më e madhe se 215 delegatë nga Vlora.
Kryetari i Partisë demokratike Dega Vlorë, Genc Deromemaj shprehet i qartë se nuk do të ketë një kuvend të dytë. 215 delegatët, sipas tij do të shkojnë vetëm në kuvendin e 11 dhjetorit. Sipas Deromemaj, z.Basha do të shkarkohet, pasi ky është një fakt tashmë.
Delegatët shprehen të sigurt në vendimin e tyre dhe nuk i druhen një përjashtimi. Nëse PD shëndoshet me përjashtimin e delegatëve të Vlorës atëherë sipas Deromemajt ata heqin dorë vetë nga detyrat e tyre në të mirë të Partisë Demokratike, nuk ka nevojë t'i përjashtojë Lulzim Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
