Pas vendimit për riorganizimin dhe zgjedhjen e organeve drejtuese të Forumit Rinor, edhe Lidhja Demokratike e Gruas së Shqipërisë do të hyjë në një proces zgjedhor.
Kryetari i PD Lulzim Basha udhëzoi zhvillimin e zgjedhjeve për kryetaren e LDGSH-së, post i cili mbahet me emërim që prej vitit 2012, si dhe të organeve të tjera drejtuese të Lidhjes së Gruas.
Zgjedhja e kryetares së LDGSH-së do të bëhet sipas parimit 1 anëtar, 1 votë. Kjo është hera e parë që anëtareve të Forumit të Gruas u njihet e drejta për të zgjedhur drejtuesen e tyre me votë direkte.
Për të garantuar standardet e procesit, Kryetari Basha ngriti një grup të posaçëm për zgjedhjet në LDGSH, i cili përbëhet nga: Grida Duma, Arta Sakja, Dhurata Çupi, Orjola Pampuri, Greta Bardeli, Alfrida Marku, Ina Zhupa, Eralda Tase Bano, Zheni Gjergji, Ledina Aliolli.
Grupi i punës do të mbikqyrë mbarëvajtjen e procesit për zgjedhjen e Kryetares dhe zgjedhjet dhe riorgarnizimin e të gjitha forumeve të tjera të LDGSH në qendër dhe në degë. Në LDGSH mungojnë prej vitesh forume të tilla drejtuese si kryesia apo Këshilli Kombëtar i LDGSH-së.
Ditë e djeshme, pas shpalljes nga kryedemokratit të zgjedhjeve në FRPD, reagoi Albana Vokshi e cila theksoi se LDGSH dhe FRPD, janë forume që organizohen dhe drejtohen në bazë të statutit të tyre dhe se askush, nuk ju merr dot vendimmarrjen, madje as kryetari.
Megjithatë Basha duket se nuk po merr asgjë parasysh, duke shkelur në mënyrë të njëpasnjëshme statutin e PD.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
