Edmond Stojku, kryetar i partisë Aleanca Demokracia e Re tha në studion e MCN Informacion se tryeza e së premtes së kaluar e thirrur nga Berisha nuk është tryezë opozitare por një aktivitet i PD-së.
Sipas Stojkut, tryezat opozitare kanë një formë tjetër.
Për mua nuk është tavolinë opozitare, është aktivitet partie i PD-së. Kërkesat për një tavolinë opozitare duhet të jenë institucionale. Ftesat duhet të jenë institucionale, ftesat duhet të kenë kokë, subjekt dhe duhet të kenë dhe një objekt. Cila është arsyeja e mbledhjes?
Ekrem Spahiu, bashkëkryetar i LZHK-së tha në studion e MCN Informacion se është domosdoshmëri bërja e një reforme zgjedhore me standarde evropiane që do të garantojë zgjedhje të lira dhe të ndershme.
Ato gabimet që u bënë me zgjedhjet e 11 majit nuk duhet të përsëriten.
Është domosdoshmëri të kemi reformë zgjedhore me standarde evropiane për të pasur zgjedhje të lira dhe të ndershme pas 35 vitesh.
Spahiu tha se tryeza e opozitës nuk ishte thjesht për shou.
Ky vit ka nisur i vrullshëm. Brenda pranverës do të kemi zhvillime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
