Kreu i grupit parlamentar demokrat, Gazment Bardhi thotë se do të vijë dita që Edi Rama të japë llogari para drejtësisë lidhur me çështjen e inceneratorëve. Ai deklaroi në seancën e sotme parlamentare se Edi Rama, e shndërroi Parlamentin në parlament të Klodian Zotos dhe Mirel Mërtirit. “Ajo që thamë ne tashmë është e provuar nga Prokuroria. Në dosjen e inceneratorëve përmendet dhe Edi Rama, ia kanë fshehur emrin por është me titulli. Tani Ahmetaj nuk po qesh më, por po qan. Na tregoni ku e keni fshehur. A është miratuar kërkesa për arrestimin e Ahmetaj? A ka nisur kërkimi për arrestimin e Arben Ahmetajt? Kërkesa për interpelancë konform rregullores. Keni frikë të flisni për dëmin që i keni shkaktuar buxhetit të shtetit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
