Dritan Goxhaj është vendosur në qendër të vëmendjes publike pasi pak ditë më parë lexoi para Kryeministrisë 5 kërkesat e protestuesve që kundërshtojnë projektin e resortit në Zvërnec dhe kërkojnë largimin e qeverisë Rama.
Profesori i shkencave politike, Nexhmedin Spahiu tha për “MCN Live” se Dritan Goxhaj është trim dhe dokumenti që pretendon se nuk është pjesë e UÇK-së, është i falsifikuar.
Sipas tij, është interesin e atyre që mbrojnë regjimin që e etiketojnë si shërbëtor të regjimit të Iranit.
Spahiu shtoi se Shqipëria është në udhëkryq dhe se aktualisht Edi Rama ka humbur aleatët e vetë në arenën ndërkombëtare.
Një protestë aq e madhe, që është në vete një revolucion, gjithmonë del në krye dikush i guximshëm, dikush që është trim. Dhe Dritan Goxhaj është një njeri i guximshëm dhe natyrshëm ai ballafaqohet me sulmin e atyre që rrezikojnë rënien nga pushteti.
Falsifikohen dokumente për të, ndërsa për 27 vite rresht ai ishte luftëtari i UÇK-së dhe tani thonë, jo nuk ka qenë. Dokumenti është ashiqare i falsifikuar, nuk është shkruar me gjuhën e Kosovës, as atë zyrtare.
Protestat do të nxjerrin disa njerëz që më vonë do të përfshihen në politikën shqiptare. Ai është tashmë politikan, por është çështje e tij nëse do të përfshihet. Është interesin e atyre që mbrojnë regjimin që e etiketojnë si shërbëtor të regjimit të Iranit.
Protesta të tilla po përkrahen nga Greqia, Italia, Irani, Turqia. Çfarë do të thuash që je dhe agjent grek dhe turk? Agjenda e protestuesve është pakënaqësia me qeverinë ekzistuese.
Sigurisht që Shqipëria është në udhëkryq, por unë shoh që Rama ka humbur aleatët e vetë në arenën ndërkombëtare. Këtë e provon publiciteti që i bëhet protestave në mediat ndërkombëtare.
Imazhi dhe aleancat janë të varura se në politikë është e vështirë të kesh miq të përhershëm, janë miq të interesit më tepër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
