Për analistin Lorenc Vangjeli, shqiptarët e kanë keqkuptuar sistemin dhe secili nga ne së bashku e kemi deleguar të drejtën që drejtësinë ta bëjë dikush tjetër.
Ne e kemi deleguar për të drejtën për të dhënë fajësi. Krimi më i rëndë dhe më i paapelueshëm është të jesh i varfër! Nëse je i varfër je budalla, i paaftë, fajtor.
Nëse je i pasur, je i mençur, je në karrierë, je i zoti, pak rëndësi ka se si i ke bërë paratë. Nëse shmang taksat, je profesionist.
Është shembur një sistem vlerash, që mirë apo keq ai sistem komunist, duke hequr kupolën e tij, e kishte krijuar.
Nuk vihej budallai të bënte punën e të mençurit. Kishte shumë pak gomerë, hiq matufët që ishin në kupolë, që kishin vdekur dhe as dheun nuk e ndjenin në kostumet e tyre.
Raporti mes të mirës dhe të ligës në këtë vend përcaktohet nga paraja.
Në emisionin “Arnautistan” në MCN Tv, Vangjeli deklaroi se më shumë se institucioni i SPAK, ky vend ka më shumë nevojë për institucionin moral që është marrë me shkelma.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
