Për herë të parë me vota unanime, maxhoranca dhe opozita kanë miratuar buxhetin e vitit 2018 në Bashkinë Elbasan.
Edhe pse opozita kishte kërkuar kohë për të miratuar buxhetin në mbledhjen e dytë të mbajtur sot, është arritur që miratimi i buxhetit të bëhet me votat e të gjithë këshilltarëve.
Kreu i Bashkisë z.Qazim Sejdini, ka mirëkuptuar kërkesën e grupit të këshilltarëve të PD-së duke e ka konsideruar të drejtë kërkesën e tyre.
Seanca e dytë e mbledhjes së Këshillit Bashkiak ka nisur direkt me fjalën e përfaqësuesit të grupit të këshilltarëve të PD-së, i cili është shprehur se PD është dakord për miratimin e projekt buxhetit.
Hedhja në votim, nuk ka marrë asnjë votë kundër. Ashtu si Durrësi por me një ndryshim Bashkia e Elbasanit, e nis vitin 2018 me një Buxhet të miratuar njëzëri nga të gjithë përfaqësuesit e votuar të këtij komunitetit në Këshillin Bashkiak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
