Kërkesa e Partisë Demokratike për Sekretariatin e Etikës së Kuvendit, për përjashtimin e kreut të grupit parlamentar socialist, Taulant Balla, për 30 ditë nga seancat parlamentare, është rrëzuar.
Në mbledhjen e paradites së sotme, kërkesa për përjashtim u hodh poshtë, pavarësisht pretendimeve të deputetëve opozitarë, se i kishte fyer, duke përdorur termin “zagarë”.
Në fjalën e tij Balla iu drejtua deputetëve të opozitës duke thënë, “Flisni për lepuj, po folët për lepuj duhet të flisni edhe për zagarët, sepse lepurin në pritë e sjell zagari”.
Gjithçka gjatë diskutimeve për zgjedhjen e Avokatit të Popullit, ku opozita e quajti Endri Shabanin si “lepuri i Surrelit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
