Tavo: Edi Rama më zgjodhi për të dhënë zgjidhje në Himarë

<p>Vangjel Tavo, aktualisht prefekt i Qarkut të Vlorës, është votuar nga kryesia e Partisë Socialiste si kandidat për zgjedhjet e parakohshme në Bashkinë e Himarës. Në studion e emisionit “Të Paekspozuarit”, ai foli për arsyen pse është zgjedhur për të përfaqësuar Partinë Socialiste në këtë garë.</p> <blockquote> <p><em>Në të gjithë udhëtimin tim politik nuk kam qenë politikan lokalist. Kam qenë përfaqësuesi i minoritetit të Gjirokastrës por edhe deputet i Labërisë, Lunxhërisë, madje ca kohë edhe i Përmetit. Nuk erdha në Himarë për të përfaqësuar minoritetin. Me zotin Rama kam diskutuar gjatë dhe ajo që më tha kur më kërkoi të kandidoja ishte përvoja ime e gjatë në politikë dhe menaxhim. Për këtë arsye më propozoi për të zgjidhur problematikën, për të sheshuar problemet. Kjo është arsyeja pse unë kam pranuar. Për të dhënë zgjidhje. Nuk ka lidhje as me lidhjet e mia në Greqi, në SHBA apo kushedi çfarë tjetër. </em></p> </blockquote> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>Tavo përsëriti se do ta kthejë Himarën në normalitet dhe do t’u shërbejë qytetarëve të saj pa dallime.</p> <blockquote> <p><em>Zotin Tavo e ka shtyrë Himara dhe zgjidhja e problemeve, krizave dhe rivendosja e normalitetit. Jam i bindur që në muajt e parë si kryebashkiak i Himarës, Himara do të kthehet në normalitet të plotë, qytetarët do të marrin shërbim në mënyrë të barabartë dhe pa asnjë lloj dallimi. Unë do të zgjidhje, dhe do t’i përfaqësoj të gjithë, të majtë e të djathtë, minoritarë apo jo. </em></p> </blockquote>