Heshtja e ish-kryeministrit Sali Berisha lidhur me situatën në Partinë Demokratike pas humbjes së zgjedhjeve të 25 prillit është përfolur shpesh në media.
Kjo heshtje e Berishës sipas Mustafa Nanos është ulëritëse duke marrë parasysh që ai përmes qytetari dixhital, siç tha analisti për MCN TV, ka reaguar për ngjarje nga më të ndryshmet.
Heshtjen e tij Nano tha se e lexon si mbështetje ndaj Bashës dhe sipas tij të gjithë demokratët kështu e lexojnë heshtjen e tij.
“Heshtja e tij është ulëritëse, ai nëpërmjet qytetarit dixhital reagon për gjëra të vogla që ndodhin edhe në fshatrat më të largëta, por ai është në favor të Bashës dhe të gjithë demokratët kështu e lexojnë. Do të kemi zgjedhjet dhe PD do të na dëshmojë që do të ngelet një parti humbëse”, tha Nano.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
