Kryebashkiaku i Kamzës, Rakip Suli është paraqitur ditën e sotme në Prokurorinë e Posaçme Antikorrupsion për shkak të padisë që ka bërë ndaj Xhelal Mziut.
Kryetari i bashkisë së Kamzës është filmuar teksa hyn i buzëqeshur sot paradite në godinën e SPAK.
Rakip Suli ka paraqitur denoncimin sa u përket kontratave të firmosura për lejet e ndërtimit.
Sipas dosjes hetimore, në lejet e ndërtimit dhënë nga bashkia Kamëz, Xhelal Mziu në atë kohë kryetar bashkie, nuk ka zbatuar 3% të pronësisë për strehim social nga kompanitë e ndërtimit, të cilat sipas marrëveshjes e japin ose banesë të përfunduar ose paguajnë vlerën monetare.
Sipas ligjit duhet që kompanitë të japin deri në 3% të sipërfaqes në pronësi të bashkisë duke pretenduar se kjo nuk është realizuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
