Analisti Neritan Sejamini në emisionin “Të Paekspozuarit” në MCN TV u shpreh se Erion Veliaj dhe bashkia që ai drejton janë përgjegjëse për administrimin e parave të qytetarëve dhe bizneseve të Tiranës.
Ai tha se Bashkia e Tiranës nuk ka marrëdhënie klient-ofrues, por sipas kontratës dhe vendimeve të qeverisë, është përgjegjëse për të ndjekur kontratën e koncesionarit, jo vetëm çon plehrat, por e kontrollon se si po e zbaton koncesionari
Sipas tij përgjegjësinë për të administruar paratë tona e ka Veliaj dhe ai është përgjegjës se ku kanë vajtur 140 milionë euro.
Sot nuk ka asnjë incinerator, jo vetëm nuk ka të ndërtuar por nuk janë porositur as pajisjet. Bashkia e Tiranës e di që janë harxhuar 140 milionë euro atje dhe nuk ka incinerator? Veliaj ka përgjegjësi për paratë tona.
Bashkia e Tiranës nuk ka marrëdhënie klient-ofrues, por sipas kontratës dhe vendimeve të qeverisë, është përgjegjëse për të ndjekur kontratën e koncesionarit, jo vetëm çon plehrat, por e kontrollon se si po e zbaton koncesionari, sepse ka patur dy vende në komisionin e supervizionit.
A ka marrë zoti Veliaj ndonjëherë raport se si po ecën kontrata, a është informuar zoti Veliaj se nuk po ndërtohet asgjë, se nuk po vihet asnjë gozhdë, nuk ka incinerator, nuk ka porosi. Përgjegjësinë për të administruar paratë tona e ka zoti Veliaj, se kë emëron drejtor ai është puna e tij.
Sot ai është përgjegjës se ku kanë vajtur 140 milionë euro, pa e akuzuar, por ku kanë vajtur. Ai duhet të përgjigjet se kur e ka marrë vesh se nuk po ndërtohet asgjë. Dhe e treta gjithë kontrata e dherave ne nuk e dimë nëse ka vendim, por kush ka urdhëruar që dherat do t’i shkojnë inceneratorit, kush e ka vendosur dhe me çfarë tarife dhe më pas si e ka monitoruar që këto para po mirë administrohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
