Etleva Merko, kandidate e koalicionit “Nisma Shqipëria Bëhet” në Vlorë tha në edicionin e lajmeve në MCN TV se synojnë 7 deputetë në qarkun bregdetar.
Merko tha se nuk e ndiejnë konkurrencën e PS dhe PD, pasi janë dy parti të ezauruara.
“Zgjodha Vlorën për flamurin, Ismail Qemalin. A do ta bëjmë Shqipërinë? Shqipëria Bëhet, aty nis. Synojmë 71 deputetë në rang kombëtar, pse jo? Në Vlorë pse jo 7? Kemi kandidatët më të mirë. Nesër te stadiumi ‘Flamurtari’ do çelim fushatën në orën 06:00 pasdite. Absolutisht s’e ndjejmë konkurrencën e PS dhe PD, sepse janë dy parti të ezauruara dhe nuk kanë më çfarë t’i ofrojnë shqiptarëve. Ne vijmë me figura të reja, njerëz profesionistë, dhe këtë here shqiptarët kanë një alternative, që është nr.6 Shqipëria Bëhet”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
