Detaje të reja dalin nga incidenti i ndodhur mesditën e sotme në Partinë Demokratike, ku ish-Kryeministri Sali Berisha me mbështetës të tij u futën në ambientet e selisë blu.
Një nga militantët që shoqëronte Berishën në ambientet e PD-së, nuk nguroi të shkallmonte një nga dyert e selisë duke e dëmtuar atë thuajse plotësisht.
Teksa ky moment është bërë viral në mediat online por jo vetëm, është bërë edhe identifikimi i personit që shkelmonte derën. Ai dyshohet se është shtetasi Fation Dautaj, preson me precedent kriminal. Kohë më parë, 36-vjeçari është cilësuar si person i rrezikshëm në Britani.
Sipas Ministrisë së Brendshme dhe Agjencisë Kombëtare të Krimit (NCA) ai është cilësuar person i aftë për dhunë ekstreme dhe një anëtar me ndikim në një rrjet kriminal shqiptar me qendër në Londër i përfshirë në importimin e kokainës, prodhimin e kanabisit, trafikim të njerëzve dhe pastrimit të parave.
Sipas mediave britanike Dauitaj është një gangster, “pa gjurmë financiare” në Mbretërinë e Bashkuar që ka një “Piano Bar” në Shqipëri. Ai u bë qytetar i përhershëm në gusht 2017, por “Home Office” e revokoi atë në shtator të 2019-ës, bazuar në inteligjencën nga NCA, e cila po hetonte rrjetin e tij, por nuk kishte qenë në gjendje ta akuzonte atë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
