Gjoba për 3 kryebashkiakë dhe 4 zyrtarë që përdorën burime publike në fushatë/ Qëndresa Qytetare: U vunë para përgjegjësisë

3 kryebashkiakë dhe 4 Zyrtarë të lartë të administratës janë ndëshkuar me gjoba nga Komisioni i Apelimeve dhe Sanksioneve në KQZ për shkelje të Kodit Zgjedhor në zgjedhjet e 6 marsit, ku ka pasur në total 11 kallëzime.

Qëndresa Qytetare bën me dije shifrat, duke theksuar se mes emrave të ndëshkuar janë Eriselda Sefa, Emiriana Sako, Edison Memolla e Haki Çako, Qëndresa Qytetare deklaron se janë vënë para përgjegjësisë zyrtarë që kanë përdorur taksat e qytetarëve, objektet publike dhe makinat e shtetit për t’i shërbyer partisë.

DEKLARATA

Sot Komisioni i Apelimeve dhe Sanksioneve ndëshkoi me gjobë 1 milion lekë të vjetra Kryetaren e Bashkisë Lushnjë Eriselda Sefa dhe Drejtorin e AKMC, Haki Çako për përdorim të burimeve publike dhe veprimtari të ndaluar në fushatë zgjedhore.

 Në përmbyllje të të gjitha çështjeve të kallëzuara për zgjedhjet e 6 marsit 2022 u ndëshkuan:

-           Eriselda Sefa – Dy gjoba nga 1 milion lekë të vjetra

-           Emiriana Sako – 1 milion lekë të vjetra

-           Edison Memolla – 300 mijë lek të vjetra

-           Drejtori i AKMC Haki Cako 250 milionë lekë të vjetra

-           Sekretarja e Përgjithshme e Ministrisë së Shëndetësisë

-           Drejtori i Spitali Lushnjë

-           Drejtuesi  i Shkollës Armath, Durrës

Nëpërmjet këtyre betejave arritëm të vendosim përpara përgjegjësisë zyrtarët publik, të cilët përdorën taksat e qytetarëve, objektet publike, makinat e shtetit dhe postet e tyre për t’i shërbyer kandidatit të forcës së tyre politike duke vendosur një precedent të ri të ndëshkueshmërisë së shkeljeve zgjedhore. Drejtorët e shkollave duhet ti shërbejnë nxënësve dhe jo partive Qendrat Shëndetësore duhet ti shërbejnë të sëmurëve dhe jo kandidatëve për spote elektorale Spitalet duhet të shpëtojnë jetën e pacientëve dhe jo karrierat e politikanëve. Qëndresa Qytetare i bën apel Partive Politike për tu ndarë njëherë e mirë nga përdorim i shtetit për qëllime elektorale dhe punonjësve të administratës zgjedhore për t’u distancuar nga gara zgjedhore pasi zgjedhjet e reja lokale po afrojnë dhe përveç kallëzimeve administrative, ne do të kallëzojmë në prokurori çdo zyrtar publik që përdor postin për fushatë zgjedhore bazuar në nenin 328 të kodit penal.